2 мая 2019 года ў гімназіі адбылася ІV гімназічная канферэнцыя “Іх праўнукі вучацца ў нашай гімназіі”, прымеркаваная да Дня Перамогі і 75-годдзя вызвалення Беларусі ад нямецка-фашысцкіх захопнікаў.
Арганізатарам канферэнцыі і навуковым кіраўніком вучняў з
самага пачатку выступае выкладчык
гісторыі Данута Францаўна Чупік.
На адкрыцці канферэнцыі з прывітальным словам
выступіла Галіна Леанідаўна Левіна – галоўны архітэктар творчай майстэрні Л. М.
Левіна, лаўрэат дзяржаўнай прэміі Рэспублікі Беларусь. Яна падзякавала
настаўнікам і вучням гімназіі за работу па захаванню памяці аб трагічных
падзеях вайны.
Ганаровымі гасцямі канферэнцыі сталі былыя вязні
фашысцкіх канцлагераў – Барысава
Аляксандра Васільеўна і Пецукевіч Аляксандра Мяфодзьеўна.
Лейтматыў канферэнцыі – памяць аб
страшнай вайне і Вялікай Перамозе не павінна згаснуць. Подзвігі загінуўшых у
баях, трагедыя акупацыі і мільёны бязвінных ахвяр – гэта
гісторыя нашай Радзімы, гісторыя кожнай беларускай сям’і, наш гонар і слава. Неаходна,
каб веды пра вайну захаваліся ў памяці сучаснага маладога пакалення.
У гонар Свята Перамогі гімназісты падрыхтавалі канцэртную
праграму для гасцей і ўдзельнікаў канферэнцыі.
Комментарии
Отправить комментарий