Сустрэча аматараў беларускага слова
Першы вопыт –
і першая перамога! Ніна Конік, вучаніца нашай гімназіі, прымала ўдзел у
гарадскіх V адкрытых
літаратурных Чытаннях.
4 красавіка 2019 года
на базе дзяржаўнай установы “Гімназія № 35 г. Мінска” пры падтрымцы
Мінскага гарадскога аддзялення саюза пісьменнікаў Беларусі адбыліся V адкрытыя літаратурныя
Чытанні вучняў устаноў агульнай сярэдняй адукацыі г. Мінска, прысвечаныя 105-й
гадавіне з дня нараджэння беларускага паэта Аркадзя Куляшова. Атмасфера была
вельмі гасцінная і шчырая: гучала беларуская мова, вучні чыталі вершы Аркадзя
Куляшова, абаранялі даследчыя работы, перажывалі і вельмі стараліся.
Хвалявалася і наша ўдзельніца, вучаніца 7 “Б”
класа Конік Ніна. Выступленне на канферэнцыі з работай на тэму “Выток шляхоў:
дзяцінства і юнацтва Аркадзя Куляшова” – яе першы даследчы вопыт. Але ўсё атрымалася!
Віншуем Ніну Конік і яе навуковага кіраўніка,
настаўніцу беларускай мовы і літаратуры Барысевіч Галіну Анатольеўну з
заслужанай узнагародай – Дыпломам ІІ ступені.
Комментарии
Отправить комментарий